Euskal preso, iheslari eta deportatuen aldeko hileroko ekimena aurrera eramango du Lasarte-Oriako Sarek: Azken Ostirala. Okendo plazara iristean Etxerat elkartearekin adostutako adierazpena irakurriko dute. Elizatze enparantzan ekingo diote mobilizazioari, arratsaldeko zazpietan.

ELOP Elkarrekin Lasarte-Oria Podemos alderdiko bozeramaile Miguel Angel Tolosak kritikatu egin du udal gobernua, ez duelako "behar bezala azaldu" Atsobakarreko kirol gunearen proiektuaren "benetako kostua" zenbatekoa den. "2017an egitasmoa publikoki aurkeztu zuenean 1.270.220 eurokoa zen aurrekontu osoa, eta, zortzi urte geroago, egoera oso bestelakoa da: dagoeneko 7.200.000 euroko kostu metatua du". Hori horrela, zinegotziak "gardentasuna" eskatu die PSE-EEri eta EAJri, kontuak "argi" azaltzeko, azpiegitura horretara diru publiko gehiago bideratu aurretik.