Euskal gehiengo sindikaleko ordezkariek martxoaren 17rako greba orokorra erregistratu eta gutxira bilera eta agerraldia egin dute LAB sindikatuko Goierri-Buruntza eskualdeko ordezkariek, Villabonan. Lantokiak hustu eta kaleak betetzeko deia egitearekin batera lanuzte deialdiaren helburuak zeintzuk diren gogorarazi dute: euskal langileen ordainsariak hobetzea eta gutxieneko soldata propioak erdiestea. Azken xede horre harira, aurtengoa 1.500 eurokoa izatea proposatu dute ELA, ESK, Etxalde, Hiru eta Steilas-ekin batera. Hego Euskal Herrian deitu dute ekintza, 'Gutxieneko soldata hemen erabaki. LGS 1.500 euro. Soldatak hobetu, aberastasuna banatzeko' lelopean.