Beterri-Buruntza Mankomunitatean eskualdeko Enplegu eta Tokiko Garapen Plana osatzen ari dira buru-belarri: "Eskualde horretako enpresen lehiakortasuna eta lurraldeko enpleguaren sorrera nahiz hobekuntza sustatzeko proiektua" dela azaldu dute eragile horretako kideek. Benetako beharrei erantzute aldera, azpimarratu dute "funtsezkoa" dela alor horretan inplikatuta dauden aktore guztien ahotsak entzutea. "Datu errealekin" egin nahi dute diagnostikoa eta inkesta bat jarri dute guztien eskura.