Udalerriaren ondare preziatuenetako bat dira toki izenak, izan ere, bertako informazio asko ematen digute eta egunerokorako ezinbesteko erreferentziak dira. Horren garrantzia ikusarazte aldera lehiaketa bat martxan jarri dute Lasarte-Oriako Udaleko Euskara sailak eta TXINTXARRI aldizkariak.

Udalerriko ondare preziatuenetako bat da toponimiarena edo toki izenena. Horren garrantzia ikusarazteko asmoz elkarlanean ari dira Lasarte-Oriako Udaleko Euskara saila eta TXINTXARRI aldizkaria urte hasieratik eta berriki iragarri dute erakundeko nahiz komunikabideko arduradunek zein izango den bide horretako hurrengo urratsa. Hiru asteko (astelehenetik azaroaren 3ra arte) beste lehiaketa bat aurrera eramango dute, maiatzean egin zutenarekin konparatuta berrikuntzaren bat edo beste izango duena.