Itsasoko animaliaz bete dira herriko kaleak

Txintxarri Aldizkaria uzt 12, 12:34 Euskara

Ttakun Kultur Elkarteko Udako Txokoetako gaztetxoek desfile koloretsu bezain alaia egin dute gaur. Itsasoko animaliaz mozorrotuta, Loidibarren pilotalekutik abiatu dira haur eta begiraleak, eta furgonetako musikari jarraiki, dantza erakustalditxo politak egin dituzte erdigunera iritsi bitartean. Ikusi ahal izan dira marmokak, dortokak, itsas zaldi eta izarrak. 

TOKIKOM
Tokian tokiko egoera soziokulturala ikusarazteko hitzarmena sinatu dute

Txintxarri Aldizkaria uzt 09 Euskara

Eusko Ikaskuntzak eta Tokikom Tokiko Hedabideen Bateraguneak akordio bat izenpetu dute "egoera soziokulturalari eragiten dioten gaiak gizarteratzeko". Horretarako, bi erakundeek ezagutza trukatzeko eta elkarren lan batzordeetan parte hartzeko konpromisoa adierazi dute, ekarpen adierazgarriak egin ditzaketen kasuetan. Hitzarmenean jasotzeko lanen jarraipena egiteko batzorde bat ere eratuko dute erakundeok, elkarrekin egin beharreko lanak adostu zein egindakoen balorazioa egiteko.