Hurrengo urteko maiatzeko udal eta foru hauteskundeen aurretik egingo dituzte Espainiako Gorteetarakoak, azaroaren 29an. Horren aurrean, posta bidez bozkatzeko laguntza zerbitzua martxan jarri dute Lasarte-Oriako PSE-EE alderdiko kideek, hauteslekuetara joan ezingo duten bizilagunentzat.

Beste 25 udalerritan egin bezala, Lasarte-Orian ere mobilizatu dira etxebizitza duinen alde eta espekulazioaren nahiz etxegabetzeen aurka. Eskualdeko deialdia izan denez inguruko udalerrietako zenbait lagun batu zaizkie Okendo plazara bertaratu diren dozenaka lasarteoriatarrei. Amaitu aurretik komunikatua partekatu dute manifestariekin, argi eta garbi hitz eginda: "Egoera honen aurrean onena nazioa eraikitzen jarraitzea eta euskal errepublikarantz joatea da, herritar guztiak duintasunez bizi daitezen".