Hileko azken ostiralarekin batera, mobilizazioa antolatu du Lasarte-Oriako Sare eragileak. San Pedro Elizatik abiatuta, Okendo plazara ailegatu dira herritarrak, eta manifestua leitu dute, enparantzan, ohiko legez. 

Udako oporren ostean "indarberrituta" itzuli dira Kriseilu Gazte Langileen Asanbladako kideak eta Gaztelekuan asanblada irekia egingo dute gaur arratsaldean, hilak 25, 18:00etatik aurrera. Ikasturte berria martxan jarriko dute: "Denon artean jarduerak zein egitarauak proposatuko ditugu eta politikoki antolatzen nahiz saretzen jarraituko dugu". Hori horrela, herriko gazte oro animatu dute bilerara bertaratzera.