Sasoeta-Zumaburu eta Garaikoetxea-Landaberri ikastetxeek datorren ikasturterako matrikulazio kanpaina martxan jarriko dute igande honetan, Lasarte-Oriako Udalarekin elkarlanean aurrera eramango duten ospakizun kutsuko jarduera baten bidez. Oriarte Landaberri institutuan izango dira, 11:00etatik 13:00etara, bertaratzen direnei informazioa eman bitartean ongi pasatzeko tartea emanda. 2 eta 3 urte arteko familiei zuzenduta dago egitasmoa.

Arabako, Bizkaiko eta Gipuzkoako (hortaz, baita Lasarte-Oriakoetan ere) eskoletan aurrematrikulatzeko kanpaina otsailaren 3an hasiko da eta hamabi egun iraungo ditu. Onartuen behin-behineko zerrendak martxoaren 18an argitaratuko dituzte, eta, behin betikoa, apirilaren 15ean.