Ohiko legez, ekimenez beteriko asteburuarekin ospatuko du Udaberriko Festa Aterpea Merkatari Elkarteak. Ostiralean, haurrentzako hainbat tailer antolatu dituzte, besteak beste. 

Udaberriko Festa ospatzen ari dira Aterpea elkarteko bazkideak. Egunotan ikastetxeetako haurrek egindako marrazkiak zintzilikatu dituzte erakusleihoetan eta zenbait establezimendutan hasi dira eskaintza bereziak egiten. Horrez gain, gaur eta bihar makina bat ekimen aurrera eramango dituzte, herria bizirik mantentzeko funtsezko eragileak direla ikusarazteko.