Gure herriko 0 eta 3 urteko haurren irakurzaletasuna bultzatzea da Bookstart Euskadi egitasmoaren helburua, garai horretan garatzen dituztelako umeek haien "gaitasun kognitibo" guztiak. Lasarte-Oriako Udalak iragarri du euskarazko, gaztelaniazko eta ingelesezko liburu bana jasoko dutela adin horretako kideak dituzten familia guztiek, doan, eta aukera izango dutela irakurketa saioetan parte hartzeko Udal Liburutegian. Lehenengoa larunbat honetan izango da, 11:00etan.

Santa Zezilia eguna ospatu zuten herriko musikariek asteazkenean eta batzuek egunean bertan herriko kaleak girotu zituzten. Alboka abesbatzak kideek, berriz, San Pedro parrokiako mezan abestuz omendu dute zaindaria. Korutik aritu dira elizkizuneko zenbait unetan eta Agur Jesusen Ama kantarekin amaitu dute.