Iazko udaberriko konfinamendua artelan berriak sortzeko baliatu zuen Miguel Angel Oribe eskultoreak. Horietako batean zinema, Donostiako Zinemaldia eta artea uztartu ditu, eta 26 collage egin ditu: arte diziplina horretan maisulantzat hartzen diren pelikula klasiko ugari eta haiei buruz hitz egin duten egunkari birziklatuak uztartu ditu. 'Historias de cine' izena jarri dio. Keler espazioan ari da horiek erakusten, Donostian.

Laster hasiko da Plaza dantza egitasmoa, Lasarte-Oriako Udalak eta Ttakun Kultur Elkarteak elkarlanean aurrera eramaten dutena. Lehen entsegua urriaren 5ean egingo dute, asteartez, Sasoeta ikastetxeko gimnasioan, 20:00etatik 21:30era. Parte hartu nahi izatekotan, 695 78 53 89 telefonora deitu behar dute herritarrek, edo kultura@ttakun.eus helbide elektronikora idatzi.