uzt 26, 13:08 Gizartea
Santa Ana eguna ospatzen hasi dira lasarteoriatarrak. Hasteko, meza egin dute Ama Brigitarren komentuan, Felix Garitano apaizak gidatuta. Erketz EDTko dantzariek 'Agurra' dantzatu diote, elizan bertan, aldarean zegoen Santa Anari. Elizkizuna amaitzean komentu alboko plazara joan dira dantzari eta eliztarrak, Ttakun Kultur Elkarteko kideek prestatutako hamaiketakoa jan eta edatera. Eguerdian, berriz, Erketzeko dantzari eta musikariek saioa egin dute karkaban, dozenaka herritar begira zituztela.