56 urtez irekita izan ostean, Viña del Mar taberna astearte honetan itxiko da, apirilaren 15ean. Hamarkada hauetan ondutako historia ganoraz amaitzeko, festa antolatu dute, igande arratsaldean.

Lasarte-Oriako Udalak jakinarazi du bihar izango dela TMIGZ Trakzio Mekanikoko Ibilgailuen Gaineko Zerga ordaintzeko azken eguna. Ordainagiria helbideratuta ez dutenek eta etxean jaso ez dutenek 943-37 61 87 telefono zenbakira deitu behar dute edo udaletxeko hirugarren solairura joan. Helbideratuta dauden erreziboak bihar kargatuko dituzte zordunen kontuetan eta Flexipago modalitatea dutenei ere bihar egingo diete aurreneko kobraketa. Bigarrena, berriz, abuztuaren 1ean izango da.