Hitzorduarekin hasteko, lehenik eta behin, eskerrak eman dizkiete lasarteoriatarrei elkartekideek beste behin kanpainari egindako harrera beroagatik; besteak beste, parrillada jendetsua eta tren txu-txua nabarmendu dituzte. Makina bat herritarrek parte hartu dutela zehaztu dute, eta hori ez ezik, euren arabera, herria aktibatu du ekimenak. Hori dela-eta, sasoia "fina" izan dela baloratu dute. Era berean, parte hartutako komertzioei luzatu diete esker ona.
Jarraian, sari banaketari ekin diote. Bost premio banatu dituzte: 250 euroko lau bono, eta 500 euroko bakarra. Ekainaren 21era arte izango dute kanjeatzeko epea, eta soilik elkartekideen saltokietan erabili ahalko dituzte. Hauek izan dira aurtengo sarituak:
- Naiara Gomez Tamayo, 500 euroko bonoa.
- Jose Miguel Urtizberea Garmendia, 250 euroko bonoa.
- Jose Luis Carrillo Tena, 250 euroko bonoa.
- Diego Torres Sanchez, 250 euroko bonoa.
- Maribel Sanchez, 250 euroko bonoa.