Herriko festei buruzko eduki guztiak jasoko dugu kanal berezi honetan.
Koloretsua eta animatua izan da sanpedroetako azken traka
2024 uzt 03 Gizartea
Bukatu dira aurtengo San Pedro Jaiak. Ohi bezala, festetako azken gaua irekitzeko su artifizialen emanaldiaz gozatu dute herritarrek: udalerriko zerua hamar bat minutuz koloreztatu du Vulcano piroteknia etxeak. Oriarte Landaberriko gazteen guneko emanaldi sorta DJ Markelinek itxi du, eta Okendo plazan berriz, Oxabi taldearen erromeriak ikus-entzuleak berpiztu eta animatu ditu, ia bi ordu iraun dituen kontzertu indartsu batekin. Azkenik, LOZET elkarteak zezensuzkoak atera ditu beste behin Kale Nagusira.
