Oñatitik etorritako Lizartxo erromeria taldearekin batera dantza egitea ohiko bilakatu da Sorgin Jaietan. Ez da harritzekoa, urtero legez giro bikaina jarri ohi dutelako Okendo plazan dagoen sorginen gunean. 00:00etatik hasita, bi ordu pasatxoz euskal kanta ezagun ugari partekatu zituzten bertaratu ziren herritarrekin. Dantzan gogotik egin eta gorputzei buelta emanda, goizaldera arte luzatu zuten parranda zenbaitek.