Egitasmo honetan parte hartzen du urtero herriko EAGI ikastetxeak ere. Otsailaren 5ean, goizeko 09:00etatik 11:00etara bitartean, ikasleek sortutako eskola enpresak eta beraien produktuak ezagutzeko aukera izango da sarreran. Nahi duen guztia joan daiteke ikasleen lanak bertatik bertara ezagutzera.
Ikasenpresa programa erkidegoko Lanbide Heziketa ikastetxeetan garatzen den ekimena da, ikasgeletan eskola enpresak sortzearen inguruan. Bertan, ikasleek enpresa txiki bat muntatu behar izaten dute ikasgelan eta enpresa bati dagozkion jarduera guztiak egin (irudi korporatiboa, administrazioa, marketina, salerosketa eta abar).