Bolo-bolo darabilgu 'aniztasun' hitza azken urteetan. Lasarte-Orian, ordea, aniztasuna ez da hitzaldi politetarako baliabidea; gure herri biziaren islada da. Hamarkadetan zehar, leku ezberdin askotatik etorritako jendeak eraiki du herri hau. Extremaduratik, Galiziatik edo Gaztelatik lehenengo; eta urrunagoko lurretatik gero: Hego Amerikatik, Afrikatik, Magrebetik edo Ekialdeko Europatik. Bakoitzak bere motxilan ekarritako istorioek, hizkuntzek eta ohiturek egin gaituzte gaur garena.