Aurten inoiz baino gogotsuago ospatuko dugu Euskararen Maratoialdia. Bai, Maratoialdia, Maratoia eta Euskaraldia, biak elkarrekin uztartu baitituzte aurten Lasarte-Oriako Udalak eta Ttakun Kultur Elkarteak. Euskararen festa handi horren hamargarren edizioan berritu dute formatua, eta hiru fase prestatu, leloak dioen bezala: 'Sentitu, prestatu...eta ekin!'
Hamar atzamar, denak elkar hartuta
mai 19 Euskara
Sei urte eta gero, euskara plazara eramango du berriro Lasarte-Oriak. Bueltan da gure hizkuntzaren festa handia, izen eta formatu berriekin: Euskararen 10. Maratoialdia izango da aurtengoa, urritik abendura bitartekoa, Maratoia bera eta Euskaraldia uztartuko dituena. Manuel Lekuona Kultur Etxeko aurkezpen ekitaldira joan direnek egitasmoaren nondik norakoak jakin, zortzikoteko kideak ezagutu eta gogotik egin dute barre Bea Egizabal aurkezlearen ateraldiekin.
