Udaleko Euskara departamentuko buru Jon Antxordoki eta Ttakun KEko lehendakari Mari Karmen Ormazabalek lehiaketaren bi garaileak zoriondu dituzte, eta parte hartu duten guztiei eskerrak eman. Epaimahaiko kideak hauek izan dira: Idoia Garzes idazlea, Euskara Zerbitzuko langile Aitor Unanue, Euskararen 10. Maratoialdiko zortzikoteko kide Coro Dominguez eta Vicky Castro, eta TXINTXARRI aldizkariko kazetari Iñigo Gonzalez.
Emanaldia hilaren 24an
Isa Fernandez de Agirre eta Edu Galardik Maratoialdiaren ikus-entzunezko eder bat ondu dute iazko urritik abendura grabatutako irudiekin. Datorren asteko ostiralerako, hilak 24, emanaldia antolatu dute Euskara Zerbitzuak eta Ttakun KEk, kultur etxean, 19:00etan. Herritar oro gonbidatu dute bertaratzera. Sarrera doakoa izango da.
