Ttakun Kultur Elkartea 1991ko azaroaren 16an jaio zen, euskal kultura eta euskararen normalizazioa Lasarte-Orian errotzeko eta bultzatzeko asmoz. 30 urteren buruan sekulako dimentsioa hartu du eragileak, sortzaileek imajina zezaketena baino handiagoa.
Solaskide egitasmoan izena emateko garaia dela jakinarazi dute
ira 17 Euskara
'Eta euskaraz egiten badugu?' lelopean abiatu dute aurtengo Mintzapraktika egitasmoa, gure herrian Solaskide izenez ezagutzen duguna. Antolatzaileek luzatutako galdera hori gonbidapena ere bada, Bidelari edo Bidelagun izan nahi duten herritarrei egindakoa. Aurreneko rola hartuko dute euskaraz ikasten ari direnek edo hasi nahi dutenek; bigarrena, berriz, horiei lagunduko dietenek.
