irikatzaile agertu dira gainera, eta, erronka bota diete euren aurka lehiatu nahi duten “elkarte, eragile edota kuadrillei". Izena emateko, parte hartu nahi dutenek antolatzaileekin jarri behar dute harremanetan aitor@kulturatelier.eus helbide elektronikora idatzita.
Euskal Jaia irailaren 26an ospatuko dugu eta antolatzaileek (udala eta Ttakun Kultur Elkartea) egitarau osoa uztailean aurkeztuko badute ere, aurreratu dute herri kirol erakustaldia izango dela jardueretako bat. Horren barruan kuadrilla, elkarte, eragile edo seikotea osatzen dutenen arteko proba mistoa egingo dute: trontza mozketa, txinga eramatea, lokotx lasterketa, pisu arrastaketa eta korrika saioa. Seikoteak osatzeko deialdia luzatu dute. Momentuz, talde batek baieztatu du bere parte hartzea. Hain zuzen, hilabeteko aurreneko astean ospatu ziren Zabaletako festetako proba pistoan garaile atera zen talde beltza.
