Bi menu prestatu dituzte hilaren 26rako. Haurrenak 15 euro balio ditu eta hauxe izango dute jateko: hestebete iberikoak, urdaiazpiko kroketak, baserriko oilaskoa parrillan eta izozkia. Helduenak 10 euro gehiago balio ditu: hestebete iberikoak, entsalada mistoa, baserriko oilaskoa zein txerri saiheskia parrillan, limoizko sorbetea, kafea eta edariak. Berrehun lagunentzako tokia dago.
Gero eta gutxiago falta da hilaren 26ko Euskal Jairako eta, ondorioz, baita egun horretako herri bazkarirako txartelak erosteko ere. Ekimenaren antolatzaile diren Lasarte-Oriako Udalak eta Ttakun Kultur Elkarteak ohartarazi dute horiek eskuratu nahi dituztenek euskara elkartearen bulegora etorri behar dutela, 09:00etatik 13:00etara edo 16:00etatik 18:00etara (astelehen goizetan eta ostiral arratsaldeetan salbu). Helduen menuak 25 euro balio ditu; haurrenak, berriz, 15 euro.
