Antzerkigintza zein zinemagintza, bertsolaritza, ekoizpen artistikoa, ilustrazioa, papergintza edota jantzigintza. Sormen diziplinak dira horiek guztiak, bakoitzak bere ezaugarriak, helburuak nahiz erronkak dituenak. Horietakoren batean (edo batzuetan) dihardute Lasarte-Oriako zazpi emakume sortzaile hauek: Sara Etxeberria, Intza Alkain, Lierni Rekondo, Inge Mendioroz, Ione Zabala, Uxune Iparragirre eta Karmele Salsamendi. Egiten dituzten sormen ariketek eta euskarak elkartu ditu, Ttakunenea elkartean, Muntteri AEK euskaltegiak antolatutako Korrika Kulturala ekimenaren barruan. Guztiek erabili dute lanabes berbera, hitza, 'Euskaratik sorkuntza' izenburudun mahai inguruan eremu goxo eta interesgarria eratzeko.

Udako Txokoetan eta Udalekuetan hezitzaile gisa lan egin nahi dutenentzat zabalik dago eskaera egiteko epea