Garaipen guztiak dira garrantzitsuak, jakina, baina arerio zuzenak direnen kontra poltsikoratutakoek are zapore hobea dute. Seniorren 2. Mailan ari den Ostadar SKTk horixe bera egin zuen hilaren 7an, Maialen Chourraut kiroldegian Bera Bera talde donostiarraren aurka jokatutako partidan: 60-43 gailendu zen eta, horri esker, ekipo hori sailkapenean aurreratu eta bigarren postuan dago orain, bederatzi punturekin.

Donostiako Antonio Elorza Belodromoan ziztu bizian aritu ziren Kadete nahiz Junior mailetako dozenaka txirrindulari, Gipuzkoa Pista Saria txapelketako aurreneko jardunaldian. Proba puntuagarri guztietan pilatutako aleak batuta, Jakes Zubizarreta (Lagun Onak), Eñaut Saizar (Oriako), Candela Iglesias (EC Viella) eta Laia Sagarduy (RPK UDAP) izan ziren irabazleak.