Lasarte-Oriako Udalak eta Ttakun Kultur Elkarteak iragarri dute urriaren 18an ospatuko dutela Euskal Jaia. "Indartu" egingo dute, berriz ere festa "herrikoi, parte hartzaile eta irekia" izan dadin eta lasarteoriatarren agendetan toki berezia izan dezan. Ekimen horren gaineko informazio, kronika, argazki galeria eta bideoak bilduko ditugu atal berezi honetan.
Herri bazkarirako txartelak salgai daude Ttakun KEren bulegoan
urr 07, 09:00 Euskara
Entsalada, arkumea eta postrea. Horixe izango da hilaren 18ko Euskal Jaiko herri bazkariko menua, zikiro jana. Ospakizunaren antolatzaileek jakinarazi dute ehun bazkaltiarrentzako tokia dagoela eta otordurako txartelak salgai daudela jada Ttakun Kultur Elkartearen bulegoan (Geltoki kalea 4, behea), 30 eurotan. 09:00etatik 13:00etara (astelehen goizetan izan ezik) edo 16:00etatik 18:00etara (ostiral arratsaldeetan salbu) etor daitezke, hilaren 15a baino lehen.
