Udalerria "kolorez eta tradizioz" beteko duten egitaraua aurkeztu dute udal ordezkariek, erakundearekin lankidetzan ari diren elkarteetako kideek eta konpartsetako parte hartzaileek, Okendo plazan. Egun handia martxoaren 1a izango da, larunbata, goizetik iluntzera arteko ekimenekin. Euskal Inauteriak ospatuko dituzte bezperan, arratsaldez. Neguko ospakizun jarduera garrantzitsu honen balioa azpimarratu du Agustin Valdivia alkateak: "Guztiontzako jaia izaten jarraitzea nahi dugu, eta horregatik, aurreko urteetako esentzia mantenduko duen eta aldi berean berrikuntzak izango dituen egitaraua prestatu dugu". 28.000 euro bideratu dituzte programa osatzera eta gogoratu dute 'Disney' izango dela aurtengo gaia.
"Imajinazio handiko Inauteri koloretsuak" izan dira aurtengoak
2025 mar 05 Gizartea
Agustin Valdivia alkateak eta Jaiak saileko zinegotzi Txus Alonsok pozarren baloratu dituzte Inauteriak: "Giroa oso ona izan da egun guztietan eta primeran pasa dugu denok". Egindakoagatik kontent baina beti hobetu daitekeela jakitun, larunbat gaueko disko festako karpa handitzea eta astelehen goizeko puzgarriak tokiz aldatzea baloratuko dute. Halaber, konpartsetako kideekin bilduko dira, aurtengoa errepasatu eta datorren urteko ospakizunera begira lanean hasteko.
