Udalak 28.000 euro bideratu ditu Inauterietako jarduerak antolatzera. Gogoratu du larunbatean mozorrotzeko gaia Disney izango dela.
Egitaraua
Hilak 27, osteguna
- 19:00etan, kultur etxean, Udal Musika Eskolako ikasleen kontzertu bufoa. Sarrera, doan.
Hilak 28, ostirala
- 15:30etik aurrera, herriko ikastetxeetan, Inauteri festak.
- 16:45etatik 18:30era, Oriarte Landaberri institutuko patioan, Euskal Inauteriak ospatzen hasiko dira: txokolate jana, dantzak, erromeria eta istorioaren aurkezpena egingo dituzte.
- 17:30etik 18:45era, Antonio Mercero gune alboko karpan, 9 eta 12 urte arteko gaztetxoentzako mozorro festa egingo dute.
- 18:45etik 19:30era, Euskal Inauterien bigarren zatia egingo dute: txantxoak Okendo plazara helduko dira, erromeria egingo dute eta Kaxkamalo gaiztoa sutan erreko dute. Bitartean, ikus-entzuleak testuinguruan jartzeko azalpenak emango dituzte antolatzaileek.
- 19:45etik 21:15era, Antonio Mercero gune alboko karpan, 13 eta 16 urte arteko nerabeentzako mozorro festa egingo dute.
Martxoak 1, larunbata
- 12:00etan, Okendo plazan, parte hartuko duten bost konpartsetako (Jalgune, Biyak Bat, Intzak Parranda, Sasoeta Sasoian eta La Tribu) kideak elkartuko dira.
- 12:00etan, Okendotik hasita, herrian barrena kalejira egingo du Oaintxe in deu! txarangak.
- 12:45ean, Okendoko oholtza gainean, aurtengo mozorro koloretsuak aurkeztuko dituzte konpartsetako lagunek, dantza egin bitartean.
- 14:30ean, Antonio Mercero gune alboko karpan, elkarrekin bazkalduko dute konpartsetako kideek.
- 16:00etan, Antonio Mercero gune alboko karpan, bazkalostea girotuko dute Ttakun Kultur Elkartearen aisialdi programetan parte hartzen ari diren gaztetxoek, Superbingoarekin.
- 17:15ean, Okendotik abiatuta, herrian barrena desfilatuko dute konpartsek. Haiekin batera abiatuko da furgoneta ibiltari bat, musika zuzenean emango duen DJ batekin.
- 19:30ak aldera, desfilea bukatzean, Okendon, bakarkako nahiz taldekako mozorro onenen sariak emango dituzte.
- 20:00etatik aurrera, herriko kaleak girotuko ditu Oaintxe in deu! txarangak.
- 22:00etatik 02:00etara, gazteentzako disko festa egingo dute Antonio Mercero gune alboko karpan.
Martxoak 2, igandea
- 12:00etatik 13:30era, herrian barrena ibiliko dira Oaintxe in deu! txaranga eta LOZET elkarteko erraldoi eta buruhandiak.
- 18:00etan, DJ Nikok emanaldia egingo du Antonio Mercero gune alboko karpan. Bereziki adineko pertsonei zuzendutako ekimena da.
Martxoak 3, astelehena
- 11:00etatik 13:00etara, Loidibarren pilotalekuan, 11 urte arteko umeek puzgarriak izango dituzte.
- 18:30ean, Okendo plazatik abiatuta, sardinaren ehorzketa egingo dute.
- Sardinaren lurperatzea amaitzean, LOZET elkartearen bi zezensuzko ibiliko dira Kale Nagusian barrena.