Udalerria "kolorez eta tradizioz" beteko duten egitaraua aurkeztu dute udal ordezkariek, erakundearekin lankidetzan ari diren elkarteetako kideek eta konpartsetako parte hartzaileek, Okendo plazan. Egun handia martxoaren 1a izango da, larunbata, goizetik iluntzera arteko ekimenekin. Euskal Inauteriak ospatuko dituzte bezperan, arratsaldez. Neguko ospakizun jarduera garrantzitsu honen balioa azpimarratu du Agustin Valdivia alkateak: "Guztiontzako jaia izaten jarraitzea nahi dugu, eta horregatik, aurreko urteetako esentzia mantenduko duen eta aldi berean berrikuntzak izango dituen egitaraua prestatu dugu". 28.000 euro bideratu dituzte programa osatzera eta gogoratu dute 'Disney' izango dela aurtengo gaia.
EUSKAL INAUTERIAK
Txantxo jantziak egiteko tailerra
ots 19 Gizartea
Euskal Inauteriak ospatuko ditu herriak datorren asteko ostiralean, hilak 28. Jarduera horretan erabiliko dituzten txantxo jantziak egiteko aukera izango dute herritarrek bi egun lehenago, osasun zentroko bigarren soilairuko erabilera anitzeko gelan, 18:00etatik aurrera. Ione Artola jostunak emango dizkie jarraibideak ikasleei. Ekimena doakoa da baina antolatzaileek eskatu dute aurrez izena emateko, zenbat pertsona ariko diren jakite aldera. Parte hartu nahi dutenek kultura@ttakun.eus helbide elektronikora idatzi edo 695 78 53 89 telefono zenbakira deitu edo WhatsApp mezu bat bidali behar dute.
2025/02/26 18:00 - 20:00
Osasun zentroko bigarren solairuko erabilera anitzeko gela, Lasarte-Oria
2025/02/28 16:45 - 19:30
Oriarte Landaberriko estalkia eta Okendo plaza, Lasarte-Oria
2025/03/01 12:00 - 14:00
Okendo plazatik abiatuta, Lasarte-Oria
2025/03/01 12:45 - 14:30
Okendo plazako oholtza, Lasarte-Oria
2025/03/01 14:30 - 17:15
Antonio Merceroko gune alboko karpa, Lasarte-Oria
2025/03/01 17:15 - 19:30
Okendo plazatik abiatuta, Lasarte-Oria
2025/03/01 20:00 - 21:30
Okendo plazatik abiatuta, Lasarte-Oria
