mar 19, 12:49 Euskara
Herriko ikastetxeetako ikasle eta irakasleek ireki dute gaurko egitarau berezia, Korrika Txikia eginda erdiguneko kaleetan barrena. 11:00etan abiatu dira Okendo plazatik, Rosa Elizondo herritarraren irrintzi indartsua entzun eta gero. Euskal Telebistako 'Biba Zuek' saioko erreportariak bidaide izan dituzte ibilbidean zehar. Irten diren enparantza berean helmugaratu dira eta koreografia bat dantzatu dute elkarrekin.