Herritarrek estimua diete Zabaletako jaiei, besteak beste, udaran etorriko den gozamen garaiaren aurrekari delako, txosnaz txosna eta jaiez jai ibiltzeko entrenamendu eta atariko ezin hobea. Horrez gain, kategoriako festak dira, auzotarrek mimo handiz prestatzen dituztelako programa eta auzoa koloreztatzen dituzten jarduerak, inklusioan oinarrituta eta inor ahaztu gabe. Sei egun iraungo duten festek ematen dutena jasoko dugu kanal berezi honetan.
Aurtengoari agur esateko prest
eka 01 Gizartea
Laister Teresa Sorgiñak mendirako bidea hartuko du, eta ez da hurrengo urtera arte berriro jetsi. Alabaina, bien bitartean, Zabaleta auzoko kideek jaietako azken momentuak gogotik aprobetxatu dituzte, igande arratsaldean. Aukeran, ongi pasatzeko ekimen asko izan dira; toka txapelketa eta dantza gidatuen saioa Ttipika taldearen eskutik. Tokan askotariko adinetako pertsonak aritu dira; zenbait haurrek parte hartzeko erreguka aritu dira. Dantzan, kontu bera. Txiki zein heldu; borobilean, bakarka ala bikoteka, arin aritu dira.
