Sei bertsolari ariko dira: Duna Urteaga (Gipuzkoa), Urko Arakistain (Gipuzkoa), Adei Urbitarte (Gipuzkoa), Iradi Barrenetxea (Bizkaia), Jon Abasolo (Bizkaia) eta Maia Ortiz de Zarate (Araba).
LH5 eta LH6 mailetako ikasleentzako emanaldia egingo dute. Unai Muñoak gidatuko du emanaldia eta Andoni Rekondo eta Eli Pagola arituko dira bertsotan, ikasleak gai-jartzaile izango dituen saio interaktibo eta dibertigarria. Ikastetxeetan lanketa egingo dute saioaren aurreko egunetan eta gela bakoitzak ariketa bat prestatuko du bertsolariek kantuan egin dezaten.
Aurreko urtetako bertso-poteoaren ordez, Earra Bertso Eskolako bertsolari gazteek beste formatu batean eskainiko duten saioa izango da Jalgi Kafe Antzokian aurrera eramango dutena; 18:30ean izango da hori. Era berean, bertso eskolaren 35 urteko ibilbidea irudietan laburbilduko duen argazki erakusketa ere ikusgai jarriko dutela nabarmendu dute antolatzaileek.