Igandeko bazkarirako txartelak geratzen dira oraindik

Txintxarri Aldizkaria 2022ko urr. 11a, 11:11
Deskargatu Info Ahotsak :

Atzo arratsaldeko lauetarako ilara majoa zegoen Ttakun KEren bulego kanpoan.

Nabaritzen da herritarrek sekulako gogoa dutela Euskararen 10. Maratoialdia ospatzeko. Horren adibide, atzo arratsaldean otorduetarako txartelekin gertatutakoa: bi ordutan larunbat bazkariko zein afariko tiket guztiak erosi zituzten, eta igandeko dezente ere bai. Edonola ere, antolatzaileek jakinarazi dute batzuk geratzen direla oraindik: haurren larunbateko bazkarikoak nahiz igandeko bazkarikoak, zehazki. Jalgi Kafe Antzokian ez dituzte salduko azkenean, Ttakun Kultur Elkartearen bulegoan baizik (Geltoki kalea 4, behea. 

Hauek dira oraindik eskura daitezkeen txartelak:

  • Hilak 22, larunbata, HAURREN bazkaria: 5 euroren truke paella, edaria eta postrea. Helduek baino lehenago bazkalduko dute haurrek, 13:30ean hasita, ez biek batera.
  • Hilak 23, igandea, bazkaria: 10 euroren truke babarrunak, edaria eta postrea. 

Larunbateko helduen bazkariko eta afariko txartel guztiak saldu dituzte lehen egunean, eta igandeko afarikoak gaur amaitu dira. Maratoialdiaren antolatzaileek zehaztu dute Jalgi Kafe Antzokian ez dutela tiketik salduko azkenean, eta menu beganoetarako txartelak jada ezin direla eskuratu, epea amaitu delako. 

Euskara