| Astean zehar motorrak gogotik berotuta, hilaren 12tik 14ra aurrera eraman zituzten programako ekimen gehienak: Ama Brigitarren komentuan meza, Flor de la Jara talde tolosarrarekin; bazkideen afaria; Iruñetik etorritako Brotes de Encinas taldearen kontzertua; haurrentzako eta helduentzako jolasak; Jalgune elkarteko lagunekin batera, futbolin txapelketa kooperatiboa; edota Dinbi Banda batukada taldearen nahiz Saito gimnasioko lagunen saioak. Egoitzatik bandera jaso aurretik bola txapelketa ere jokatu zuten, nola ez, giro ederrean. |
