Aste kulturalaren hasiera baliatu du Extremadurako Etxeko lehendakari Angel Barrerak amaiera bat iragartzeko: "Hau izango da nire azken urtea elkartearen zuzendari gisa; ondoren etorriko da jende gazteagoa, ideia freskoekin eta gauzak egiteko beste modu batekin". Hori esatearekin batera ongietorria egin die Adarra kaleko egoitza kanpoaldean bildutako dozenaka herritar eta udal ordezkariei. "Normalean baino egitarau zabalagoa prestatu dugu, lasarteoriatar guztiak gozarazteko asmoarekin".
