EUSKAL INAUTERIAK

Txantxoekin ituna berrituko dugu gaur

Txintxarri Aldizkaria 2025ko ots. 28a, 09:30

Euskal Inauteriak ospatuko ditugu gaur arratsaldean zehar, eta, horren barruan, urteroko ituna berrituko dute basotik 'gizakituta' etorriko diren txantxoek eta herriko gizakiek. Ordain bat jasoko dute beraiek, eta, trukean, ez dizkigute gaitzak eragingo, ezta uztak hondatuko ere. Ospakizuna 16:45ean hasiko da, Oriarte Landaberriko estalkian. 18:30ak aldera Okendo plazarantz abiatuko dira festa amaitu eta azken akordioa errespetatu ez duen Kaxkamalo gaiztoa sutan erretzeko. Ttakun Kultur Elkarteak antolatutako jarduera da, udalarekin lankidetzan. Horrez gain, 9 eta 12 eta 13 eta 16 urte arteko gaztetxoentzako mozorro festak ere egingo ditu euskara elkarteak gaur.

EUSKAL INAUTERIEN ESANAHIA ETA ZENTZUA ULERTZEKO IPUINA

Egitaraua

16:45etatik 18:30era, Oriarte Landaberri institutuko patioan, Euskal Inauteriak ospatzen hasiko dira: txokolate jana, dantzak, erromeria eta istorioaren aurkezpena egingo dituzte.
17:30etik 18:45era, Antonio Mercero gune alboko karpan, 9 eta 12 urte arteko gaztetxoentzako mozorro festa egingo dute.
18:45etik 19:30era, Euskal Inauterien bigarren zatia egingo dute: txantxoak Okendo plazara helduko dira, erromeria egingo dute eta Kaxkamalo gaiztoa sutan erreko dute. Bitartean, ikus-entzuleak testuinguruan jartzeko azalpenak emango dituzte antolatzaileek.
19:45etik 21:15era, Antonio Mercero gune alboko karpan, 13 eta 16 urte arteko nerabeentzako mozorro festa egingo dute.

Gizartea

Erlazionatuak

Basoko izaki bizidunen eta gizakien arteko ituna berritzear dute

Iñigo Gonzalez Sarobe ots 21 Gizartea

Lasarte-Oriako Euskal Inauterietako bi trama

David Egizabal Ollokiegi eta Juan Luis Eizmendi Arsuaga ots 21 Gizartea