Badator 26. Lasarte-Oria Bai! herri krosa, 23 egun falta dira gure herriko kaleak korrikalari, patinatzaile zein ipar martxalariez betetzeko. Ostadar SKTk lasterketa nagusi eta Korrika Festako gazteen (infantil eta kadete mailak barne) probetarako izena ematea ireki du.
Inskripzioa egitearekin batera, 15 euroko ordainketa egin beharko dute paret hartzaileek; Ostadarreko bazkide izanez gero, kopurua 10 eurokoa da eta kadete eta infantil mailako gazteen eta haurren kasuan, aldiz, 7 euro.
Inskripzioa formularioa kirol elkartearen webgunean dago eskuragarri.
Maratoi erdia
Hilaren lehen egunean, bestalde, Donostiako Zurich Maratoi erdia lehiatu zen.
Izena emanda zeuden nazioarteko 2.200 lasterkarien artean, 30 bat herritar edo Lasarte-Oriako kirol taldeetako ordezkari zeuden. Horietako batzuk gainera denborak zehazten dituzten banderinak eramateko erantzukizuna izan zuten.
Eguzkia eta beroari aurre eginez, herritar gehienek jaso zuten proba gainditu izanaren domina Donostiako udaletxe aurreko helmugan. Horien artean, David Cordero izan zen azkarrena; 01.21.32ko marka egin zuen.
Maratoi erdian banderina eraman zuten herritarretako batzuk. Ezkerrean lasterka eta eskubian helmugara iritsi ostean. Arg.: FlyGroup / fotorunners.es