Larunbat luzearen ondoren, haurrentzako puzgarriekin hasi dute goiza Andatza plazan. Saltoka eta jolasean aritu diren bitartean, erraldoi eta buruhandiak ibili dira auzoan zehar eta plazan bertan geldialdia egin dute. Erraldoiak dantzan ikusi edo buruhandien inguruan korrika zebiltzan bitartean, patata tortilla lehiaketako hiru epaileak aurkeztutako hamabost aukerak probatzen aritu dira. Nahi izan dutenek tabernan probatu aurretik sariak banatu dituzte: Ina Rivera, Fernando Ortega eta Amaia Gomez izan dira sarituak, La Vie, Kairos eta Aterpean bi lagunentzako otordua irabazi dute, hurrenez hurren. Arratsaldean, haur danborrada izan da hiru eguneko agurraren aurreko azken jarduera. Taldetxoa animatu da makilak astintzera, eta martxa soinuekin iritsi dira errifen zozketa eta amaierako trakara.