Hurrengo orduetarako indarrak hartzen

Txintxarri Aldizkaria 2025ko eka. 27a, 13:20

San Pedro jaietako bigarren goiza lasaia eta eguzkitsua izan da. Arratsaldean, gauean eta asteburuan datozen ekimen ugarietarako indarrak hartzeko baliagarria izan da askorentzat. Haurrek eta Biyak Bat elkarteko kideek izan dute protagonismoa

Etxeko txikiek Isla plazako haurren parkean gozatu ahal izan dute. Helduenek puzgarriak zituzten; txikienak, aldiz, euren tamainako txirrista, balanzin eta tuneletan ederki moldatu dira karpa baruan, itzaletan zegoen parketxo itxian. 

Biyak Bat elkarteko kideek, aldiz, erritmoa gorputzean dutela erakutsi dute Okendo plazan egin zuten lerroko dantzen erakustaldian. Tangoa, pasodoblea, saltsa, countrya, baladak... belaunaldi eta estilo ezberdinetako doinuakdantzatu dituzte. Emanaldia ikustera hurbildu ziren herritarrak itzal bila ibili dira beroari aurre egiteko.