| Gizakia gizaki izaten hasi zen momentutik ekin zion Lurraren aroak ospatzeari. Udaran sartu berritan, urteko egunik luzeenaz gozatu dute lasarteoriatarrek Andatza plazan, San Joan bezperako suaren bueltan. Horren aurretik dantza egin dute Erketz EDTko dantzariek eta udal korporazioko zenbait zinegotzik, Alboka Abesbatzakoek abestu eta Zero Settekoek akordeoiak jo bitartean. San Pedro Jaietarako prest daude denak. |