Astebete pasatxo besterik ez da falta San Pedro Jaiek herria festa giroz eta kolorez blaitzeko. Aurreneko egunean, hilaren 26an, helduen txupinazoaren aurretik, 16:30ean Oriatik abiatu eta Okendo plazara iritsi arteko Sorgin Dantza egingo dute ehunka lasarteoriatarrek. Ekimen hori prestatzeko saioak egiten ari dira egunotan eta azken-aurrekoa gaur izango da, Okendon bertan, 20:00etatik aurrera.