Hurrengo saioak hilaren 12, 17 eta 19an izango dira, toki (eguraldi txarra egiten badu, Sasoeta LHko patio estalian) eta ordu berean. Bestalde, Ttakun KEko kideek gogorarazi dute zabalik dagoela zortzikote gaztean izena emateko epea. DBH1 ikasmailan dauden ikasleak animatu dituzte parte hartzera. Interesa dutenek euren izen-abizenak zehaztu behar dituzte eta gurasoren batekin harremanetan jartzeko telefono zenbakia eman. 695 78 53 89 telefono zenbakira deituta edo WhatsApp mezu bat idatzita jaso dezakete informazio gehiago.
Sanpedroak gero eta gertuago daude eta, urtero bezala, Sorgin Dantza izango da egitarauko jarduera nabarmenetako bat. Festetako aurreneko egunean egingo dute, hilaren 26an, eta hitzordu horretara ahalik eta prestatuen iristeko entsegu saioak egiten ari dira egunotan. Gaurkoa Okendo plazan izango da, 20:00etatik aurrera. Ttakun Kultur Elkarteko kideek jakinarazi dute zapiak erosteko aukera ere izango dutela enparantzara bertaratzen direnek.
