Txantxo jantzien tailerrerako izen ematea ireki dute
Euskal Inauteriak ospatuko ditu herriak datorren asteko ostiralean, hilak 28. Jarduera horretan erabiliko dituzten txantxo jantziak egiteko aukera izango dute herritarrek bi egun lehenago, osasun zentroko bigarren soilairuko erabilera anitzeko gelan, 18:00etatik aurrera. Ione Artola jostunak emango dizkie jarraibideak ikasleei. Ekimena doakoa da baina antolatzaileek eskatu dute aurrez izena emateko, zenbat pertsona ariko diren jakite aldera. Parte hartu nahi dutenek kultura@ttakun.eus helbide elektronikora idatzi edo 695 78 53 89 telefono zenbakira deitu edo WhatsApp mezu bat bidali behar dute.