Herriko ikasleen ahotsak

Markel Aranjuelo: "Estutasuna sentitzen dut uneoro maskara jantzita"

Behin eta berriz esan eta entzun ohi dugu etxeko gazteenak erraz moldatzen direla edozein egoera berrira. Hala izan ohi da; moldatu moldatzen baitira, noski, baina egoera berri horiek ere sentimendu ezberdinak sorrarazten dizkie gazteei. Ikasturtea hasi eta hilabete igaro den honetan, herriko adin ezberdinetako zenbait ikaslerekin bildu da Txintxarri, koronabirusak eragindako egoera nola bizitzen ari diren biltzeko

Oriarte Institutuko ikaslea da Markel Aranjuelo lasarte-oriatarra. Hamahiru urte ditu, eta COVID-19ak eragindako egoerak "aldaketa handi bat" ekarri diola nabarmendu du. Konfinamenduan, ikasketak etxetik jarraitzea "deserosoa eta zailagoa" egin zaio eta ziurtatu du, "gogorra" egin zaiola eskolako lagunekin ezin egon ahal izatea.

Orain, ikasturte berrian ikastetxera itzulita momenturo maskarak jantzita egon behar izateak "estutasuna" sortzen diola nabarmendu du, eta zenbait unetan, irakasleen azalpenak entzuteko "zailtasunak" izaten dituela ere adierazi du.

Ikastetxera sartzeko hartu beharreko neurriak behar bezala ikasita ditu Markelek ere. Ikaslek bata bestearen atzean, ilaran jarri eta tenperatura neurtzen diete lehenengo. Ondoren, gel hidroalkolikoarekin eskuak garbitu, eta norabideak markatzen dituzten geziz betetako eskilaretan barrena igotzen dira gelatara: "Beti modu ordenatuan, bata bestearen atzetik; gela batzuk eskilara batetik, eta, besteak, berriz, beste eskilaratik".

Ikasgelatako leiho eta ateak zabalik mantentzen dituzte Oriarte-Landaberrin ere: "Horrela gelak uneoro aireztatuta mantentzen dira, baina, batzuetan hotza sartzen da, eta nik orain arte hotzik sentitu ez dudan arren, badaude gelan berokiak kendu gabe egoten diren ikaskideak".

Distantziak mantentzea batzuetan zaila
Koronabirusari aurre hartzeko jarraitu beharreko neurriak zorrotz mantentzen saiatzen da Markel, baina, aitortu du zenbaitetan zaila ere suertatzen zaiola den-denak errespetatzea: "Kontuan hartu behar ditugun gauza asko dira, eta, zenbaitetan, erraza da horietako baten batek ihes egitea. Jolastokian, adibidez, ikasle asko batzen gara eta bakoitzak gure eremua dugu, eta distantziak mantentzen saiatzen gara, baina momentu batzuetan zaila suertatzen zaigu".

Erlazionatuak

Unai Berasategi, Amets Vila eta Markel Perez: "Jolasgaraian ezin dugu beste gelako lagunekin jolastu"

Erreportajeak

Behin eta berriz esan eta entzun ohi dugu etxeko gazteenak erraz moldatzen direla edozein egoera berrira. Hala izan ohi da; moldatu moldatzen baiti...
Irati Caro: "Ohitzen ari naiz, baina arraroa da egunerokoa"

Erreportajeak

Behin eta berriz esan eta entzun ohi dugu etxeko gazteenak erraz moldatzen direla edozein egoera berrira. Hala izan ohi da; moldatu moldatzen baiti...
Konfinamenduan ulertu gabekoak orain argitzen

Erreportajeak

Behin eta berriz esan eta entzun ohi dugu etxeko gazteenak erraz moldatzen direla edozein egoera berrira. Hala izan ohi da; moldatu moldatzen baiti...
Atzerriko egonaldian jendea ezagutzea are zailagoa

Erreportajeak

Behin eta berriz esan eta entzun ohi dugu etxeko gazteenak erraz moldatzen direla edozein egoera berrira. Hala izan ohi da; moldatu moldatzen baiti...