Aurtengo pista denboraldiko zer moduzko irakurketa egiten duzu?
Hasieran esperientzia gabeko bezala sentitu nintzen. Iaz ez zen ia lasterketarik lehiatu eta aurten nahiz eta kadete bigarren urtekoa izan, lehen urtekoa banintz bezala sentitu nintzen. Ondorioz, lehenengo lasterketetan pixka bat berde egon nintzen, baina gero amaiera aldera hobeto. Lasaiago.
Hala ere, aipatzen duzuna ez zen antzeman Gipuzkoa Pista Sariko lehen lasterketetan, lehenengo postuetan amaitu baitzenuen.
Bai, ondo hasi nintzen. Baina ero moduan nindoan lehenengo lasterketetan, ez nuen estrategiarik eta gero pixkanaka-pixkanaka joan nintzen moldatzen, nola korritu ikasten, eta abar.
|
Lehia handia izan zenuen jardunaldi ezberdinetan Iparraldeko eta Bordeleko ordezkariekin, ezta? Bai, Bordeleko Maxime Cazaillonekin, batez ere. Oso zaila jarri zidan baina azkenean Gipuzkoako selekzioarekin Bordelen (Frantzia) jokatutako proban lortu nuen pasatzea. Hori eta gero maila puntu bat gehiago nuen eta Gipuzkoa Pista Saria eraman nuen. Gero Gipuzkoako txapelketa lehiatu zenuen eta 'Omnium'-ean eta jazarpenean irabazle eta 'Keirin'-ean bigarren izan zinen. Nola joan zen txapelketa? Hasieran lehenengo bi probak nahiko kaskar egin nituen. Baina banekien Omnium-a ez zela irabazten lehenengo bi probetan, baizik eta azkenekoan, puntuazioan. Proba horretan irabazitako puntu kopurua gehitzen zaizu sailkapenera eta horrela lortu nuen garaipena. |
|
|
|
Horregatik lasaiago joan nintzen hasieran eta azken bi probetan serio jarri nintzen, nire onena eman nuen, hanka freskoekin eta eliminazioa irabazi nuen eta puntuazioa ere bai. |
||
Eta bi lehiaketen artean, 'Madison' proban Irunes taldeko Daniel Diaz Bejaranorekin batera Espainiako txapeldun titulua eskuratu zenuten. Zer moduzko esperientzia izan zen?
Espainiako pistako txapelketa Mallorcan (Balear Uharteak) izan zen. Oso gustura egon ginen eta esperientzia oso polita izan zen.
Aurretik entrenamendu asko egin genituen. Hasieran nahiko berde ginen baina gero Tafallan (Nafarroa) parte hartu genuen proba batean eta ondo egin genuen. Horren ostean, asko hobetu genuen.
Gainera txapelketa baino lehen, Euskadiko selekzioarekin abendu amaieran kontzentrazio bat ere egin genuen baserri batean eta belodromoan entrenatzen genuen.
Espainiako txapelketan, tentsio handia zegoen. Hautatzailea garrasika zer egin behar genuen esaten eta gu adi ez nahasteko. Baina hori kenduta ongi joan zen.
 |
Errepideko denboraldia aurki hasiko duzue. Nola doa prestakuntza?
Negu hasieran errepide gutxi egiten dugu. Mendira joan eta pista egin ditut. Gustuko dut mendian ibiltzea. Orain pista eta errepidea uztartzen ditut, asteartetan eta asteazkenetan errepidea eta ostegunean, pistako entrenamendua. Izan ere, guztia ondo badoa, Aste Santuan Galapagarren (Madril) lehiatuko gara Euskadiko selekzioarekin.
Errepideko denboraldia, martxoaren 1ean, Zarautzen hasiko dugu. Iaz irabazi egin nuen eta aurten berriz saiatuko naiz. Zaila izango da jende asko etorriko delako (Bizkaia, Nafarroa...); kadete mailako lehenengo proba da Euskal Herri osoan eta 200 bat pertsona egongo gara ziurrenik.
Eta egutegian baduzu hitzordu seinalaturik? Gipuzkoako edo Euskadiko txapelketa, esate baterako?
Oraindik ez dakit noiz izango diren probak; ez didate egutegia bidali. Baina ekainean nire gorenean egon nahiko nuke; normalean orduan jokatzen dira lehia nagusiak. Aurten kadete bigarren urtekoa izanda esperientzia gehiagorekin probetan borrokan egotea espero dut.
Helburuen artean, Tolosako lasterketa dago; beti hor entrenatzen dugulako eta errepide horiek ezagutzen ditudalako. Eta Espainiako txapelketarako selekzioarekin joatea ere buruan dut.
