Donostiako Zinemaldian erakutsi eta harrera ona jaso ostean, 'Lurdes Iriondo, ez gera alferrik pasako' filmaren egileek aretoz areto erakusten jarraitzen dute. Azaroaren 16an helduko da Hego Euskal Herriko zinema areto komertzialetara, eta, horren aurretik, artistaren jaioterria den Urnietan aurrestreinaldi berezia egingo dute ostiral honetan, Sarobe Arte Eszenikoen Gunean, 19:00etatik aurrera. Bertan izango dira, besteak beste, bi lasarteoriatar: Inge Mendioroz Ibañez zuzendaria eta Idoia Garzes Aldazabal gidoigilea.
Esan bezala, lan hori Donostiako Zinemaldiko Zinemira atalean eman zuten irailean eta Irizar Saria eskuratzeko hautagai ere izan zen. Urnietan aurrestreinatu bezperan Gasteizko Euskal Dokumentalen XI. Astean erakutsiko dute hilaren 23an eta, hilabete geroago. Hazparneko Zinegin jaialdira eramango dute.
Ibilbide komertzialari dagokionez, azaroaren 16tik aurrera egongo da ikusgai Hego Euskal Herriko zinema areto komertzialetan.
