Begiraleetako batek, Sara Etxeberriak, azaldu du "esperientzia aberatsa" bizitu dutela lanketa hau gauzatu bitartean: "Beste sorleku batzuetako pertsonen errealitatea ezagutzeaz gain, gazteek bideogintzaren alorrak ezagutu eta landu dituzte". Hilaren 23ko Milakultura egunean parte hartuko dute, izan ere, jantzi tradizionalen errepresentazioak egingo dituzte partaideek.
Ttakun Kultur Elkarteak eta udalak lankidetzan aurrera eramaten duten Gazte Kluba egitasmoko lagunek ere Lasarte-Oriako kulturartekotasuna jorratu dute: jatorri ugaritako herritarrak elkarrizketatu dituzte euren istorio eta esperientzien berri izan eta erabiltzaile gaztetxoei gai horrekiko interesa pizteko helburuarekin.
