Oihan eta basoetan badaude izaki itsusi eta beldurgarriak baina baita dotoreak ere. Lasarte-Oriako ingurune naturalean behintzat hala gertatzen da, TXINTXARRI aldizkariak antolatutako argazki lehiaketan argi geratu denez. Nagore Elola eta Eneko Martiarena protagonista dituen Basoko ninfak irudia da epaimahai profesionalari gehien gustatu zaiona eta egileek Avenida taberna-jatetxeko bi menu goxo irabazi dituzte. Jarraitu aurretik, eskerrik beroenak establezimendu horren jabe den Yon Mikel Rodriguezi, lehiaketa babesteagatik.
Bigarren saria, berriz, Blanca Monterok bidalitako Lasartones argazkiak eskuratu du eta Imanol Mirandak jaso du txartela. Hori erakutsita, taberna-jatetxe horretako patata tortilla eder bat jaso eta dastatzeko aukera izango dute. Zorionak irabazleei eta on egin!