Belartietak eta Lugañeneko eskifaiak Euskotren Ligako garaikurra altxa dute. Ekainetik abuztura arteko jardunaldietan egonkor ibili da Donostia Arraun Lagunak. Hasieratik lidergoari eutsi eta Orio zein Donostiarra traineruen kolpeei aurre egin behar izan die. Baina tinko mantendu eta Zarautzeko ikurriña eskuratuz amaiera bikaina eman dio lehiaketari. 2021 urteko balentria dute orain buruan eta horretarako, Kontxako bandera irabazi beharko dute.
Bosgarren postuan amaitu du Liga Hondarribia Bertako Igogailuak ontziak. Intza Fernandez herritarraren ontzia Ohorezko txandatik gertu izan da liga osoan zehar, baina behin bakarrik eman ahal izan du pausoa Santurtzin.
Igoera lehiatzeko asmoarekin Hibaikak eta Gaizka Ormazabal herritarrak ilusioz ekin zion KAE 2 Ligari. Emaitzak ez ditu lagun izan Errenteriako eskifaiak, ordea eta bosgarren postuarekin konformatu behar izan dute.