Astebete baino ez da falta sanpedroak herrira iristeko, eta Sorgin Dantza egiteko. Bertan parte hartuko duten lasarteoriatarrek gaur egingo dute azken entsegua, Okendo plazan, 20:00etan. Eguraldia nola dagoen ikusita, baliteke Oriarte Landaberri institutuko estalkian izatea.
Antolatzaileek nahi dute parte hartuko dutenen erregistro bat egin, eta, horretarako, eskatu dute 695 78 53 89 telefono zenbakira bidaltzeko WhatsApp mezu bat, eta honako hau zehazteko: izen-abizenak, telefonoa, eta bikotea edo taldekideak nor diren.