Xumela koruko zein Extremadura Etxeko kideek elkarrekin abestu eta dantzatuko dute, Sagardoteki kaletik hasita, 12:00etan. Herrian barrena buelta bat eman eta Okendo plazan amaituko dute kantu eta dantza jira.
Sagardo dastaketa, berriz, arratsaldean izango da, 18:00etatik 20:00etara, Okendon. Aterpea merkatarien elkarteak antolatuko duen sardina janarekin uztartuko du ekitaldia Ttakun KEk. Bien bitartean, gorputza mugitzeko erromeria egingo dute Ttirriki Ttarraka, Erketz EDT, Plaza Dantza eta txistulariek.
