Euskal Autonomia Erkidegoak Nafarroaren bideari jarraituko diola dirudi, eta hilabetez indarrean daramaten neurri murriztaileak luzatzea erabakiko duela bihar LABI batzordearen mahai instituzionalak. Iñigo Urkullu lehendakariak agerraldia egin du gaur, eta iragarri mugak bere horretan uztea gomendatu duela, pandemiaren bilakaera "positiboa" izan arren, egoera epidemiologikoa "zaila" delako oraindik. Ez du zehaztu zenbat denboraz luzatuko lituzketen jarraibide horiek. Nafarroan, esaterako, bi aste gehiagoz mantenduko dituzte.
COVID-19
Indarrean dauden murrizketak mantentzea gomendatu du Iñigo Urkullu lehendakariak
Bihar bilduko da LABI aholku batzordea, 16:30ean, abenduaren 28an ezarritako mugekin zer egin erabakitzeko. Iñigo Urkullu lehendakariak ez ezik, batzorde horretako mahai teknikoak neurri murriztaileak ez kentzea gomendatu du. Hizpide izango duten beste gaietako bat COVID ziurtagiria izango da; gaur-gaurkoz, urtarrilaren 31ra arte dago indarrean.
