Hauek dira Urkulluk iragarri dituen neurriak. Sei muga eta gomendio bat dira:
- Taberna eta jatetxeek 01:00etan itxi beharko dituzte ateak eta jarduera guztiak ordu horretan amaituko dira.
- Ostalaritza establezimenduek ezingo dute 08:00ak baino lehenago ireki urtarrilaren 1ean.
- Tabernetan, jatetxeetan, elkarte gastronomikoetan eta gazteen lokaletan ezingo dute zutik kontsumitu. Mahaietan eseri beharko dute, asko jota, hamar laguneko taldeek.
- Barrualdeko edukierak %60ra mugatuko dituzte.
- Barrualdean egiten diren kiroletan, taldeek hamar lagunekoak izan beharko dute, eta kirol instalazioetako aldagelen edukiera %50ekoa izango da.
- Gehieneko edukierak hauek izango dira: 600 pertsona barruan eta 800 aire zabalean.
- Gomendioa: abenduaren 31eko eta urtarrilaren 1eko, 5eko zein 6ko otorduetan hamar lagun baino gehiago ez elkartzea mahaiaren bueltan.
