Koronabirusaren pandemiari lotutako aldagaien beheranzko joera ikusita eta txertatutako herritarren kopurua kontuan hartuta, LABI Aholku Batzordeak mugak arintzeko zenbait neurri hartu zituen atzo. Nagusiak hauek dira:
- Ordutegiak: 02:00etan establezimenduak itxi eta kultur, gizarte nahiz merkataritza jarduerak amaitu.
- Edukierak: %60, muga zehatzik aplikatzen denean izan ezik.
- Kultur, kirol eta gizarte ekitaldi publikoak:
- 1.600 pertsonatik beherako edukiera duten guneetan: Gehienez, 600 barruan eta 800 kanpoan.
- 1.600-5.000 pertsona arteko guneetan: Gehienez, 800 barruan eta 1.200 kanpoan.
- 5.000 pertsonatik goragoko guneetan: %30.
- Kultu lekuak:
- %60ko edukiera.
- Espazio itxietan egindako beila eta ehorzketetan, %40; kanpoaldean egindakotan, mugarik ez dago, betiere, pertsonen artean 1,5 metroko tartea utzita.
- Ostalaritza:
- Itxiera 02:00etan.
- Barneko edukiera %50ean mantentzen da. Debekatuta dago barran edo zutik kontsumitzea.
- Mahai bakoitzean, gehienez, sei lagun.
- Nahitaezkoa da musukoa erabiltzea irensteko unean izan ezik.
- Joko lokaletan muga berak ezarri dituzte.
- Txokoak eta elkarte gastronomikoak:
- Ordutegia: 09:00etatik 22:00etara.
- %50eko edukiera
- Debekatuta dago barran edo zutik kontsumitzea.
- Mahai bakoitzean, gehienez, sei lagun.
- Nahitaezkoa da musukoa erabiltzea irensteko unean izan ezik.
- Etengabe aireztatzeko betebeharra.
- Kirola:
- Atari zabalean pertsona kopuru mugarik ez da. Azpiegituren barruan, gehienez, hamar.
- Eskola kiroleko entrenamenduak eta lehiaketak egin daitezke.
- Aldagelen edukiera %50, dutxak banaka edo pertsonen artean 2 metroko distantzia utzita erabil daitezke.
- Indarrean dauden itxierak:
- Gazteentzako lonjak eta lokalak.
- III eta IV taldeetan sailkatutako gaueko aisialdiko establezimenduak.
- I eta II taldeetako udal baimena dutenek ostalaritzaren ordutegiaren eta mugen arabera jardungo dute.
